Zvicër: Propozohet heqja e statusit “i divorcuar” nga formularët zyrtarë

Në Zvicër është paraqitur një nismë parlamentare që kërkon heqjen e statusit martesor “i divorcuar” nga formularët zyrtarë. Sipas propozimit të deputetes së FDP-së, Nadine Gobet, personat e divorcuar duhet të kenë mundësinë të deklarohen thjesht si “beqarë/e pamartuar”, pasi etiketa aktuale konsiderohet e vjetëruar dhe stigmatizuese.

Gobet argumenton se statusi “i divorcuar” i shoqëron njerëzit për gjithë jetën, edhe kur ata kanë krijuar prej kohësh një familje ose marrëdhënie të re. Megjithatë, ajo thekson se ky status do të vazhdojë të ruhet në regjistrat civilë për arsye ligjore dhe administrative, por nuk do të kërkohet më në formularët e përditshëm.

Nisma ka marrë mbështetje nga deputetë të partive të ndryshme politike dhe pritet të shqyrtohet nga autoritetet zvicerane. Sipas statistikave, rreth 40% e martesave në Zvicër përfundojnë me divorc/albinfo.ch/