Lajme
Zvicër: Kurrë më shumë kërkesa për azil, që nga Lufta e Dytë Botërore
Krahas 70 mijë refugjatëve ukrainas, ka një zhvillim të paparashikuar: rritja e ndjeshme e kërkesave "normale" për azil
Sekretariati Shtetëror për Migracionin është nën presion të madh. Që nga fillimi i luftës në Ukrainë, Zvicra ka pranuar pothuajse 70,000 refugjatë nga Ukraina.
Zvicra aktualisht po përjeton një ngarkesë me refugjatë çfarë nuk ka qenë në dekada, transmeton albinfo.ch. Qeveria Federale madje e krahason situatën me Luftën e Dytë Botërore.
Lidhur me këtüë, Sekretariati Shtetëror për Migracionin SEM tani po merr masa të menjëhershme, duke përfshirë hapjen e akomodimeve të reja.
Krahas rreth 70 mijë refugjatëve ukrainas, ka një zhvillim që askush nuk e kishte parashikuar në pranverë: edhe numri i kërkesave “normale” për azil është rritur ndjeshëm që nga gushti, shkruan srf.ch
Shumica e kërkesave vijnë nga kurdët e Turqisë. Ka edhe njerëz nga vendet e Afrikës së Veriut dhe nga Afganistani. Aktualisht bëhen 800 aplikime në javë. Deri në fund të tetorit pritet të ketë mbi 3000 kërkesa të reja për azil.
Christine Schraner Burgener, Sekretarja e Shtetit për Migracionin, thotë për mediat se shifra të tilla nuk ka pasur që nga Lufta e Dytë Botërore, përcjell albinfo.ch. “Krizat “mbulojnë” njëra tjetrën”.
Si masë e menjëhershme, Qeveria Federale po dërgon njerëz nga qendrat e mbipopulluara federale të azilit në kantone më herët se sa ishte planifikuar, në një fazë fillestare ata për të cilët ka urdhër dëbimi.
Përveç kësaj, do të vihen në funksion akomodime të reja, duke përfshirë kazermat, sallat me shumë destinacione dhe akomodimin në ambientet e mbrojtjes civile.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë