E-Diaspora
Zvicër: Bashkudhëtari u shpëtoi plagëve edhe gjatë aksidentit më 2014
Një shqiptar nga Maqedonia, me inicialet G.B. (26) u shpëtoi fatmirësisht plagëve të marra gjatë një aksidenti të rëndë në Gretzenbach SO. Nuk është hera e parë që ai aksidentohet, shkruan 20min.ch.
Të shtunën ndodhi një aksident vdekjeprurës në Gretzenbach SO. Shoferi 31-vjeçar humbi kontrollin mbi automjetin e tij, u përplas për mburojën e rrugës dhe më pas u aksidentua disa herë me pemët. Dy persona vdiqën në vend, dy persona të tjerë u plagosën rëndë.
Njëri ndër dy personat e tjerë është 26-vjeçari nga Maqedonia G.B., i cili më 2014 po ashtu ka qenë pjesë e një aksidenti të rëndë në Olten SO, ku pasi humb kontrollin mbi veturën e atëhershme Nissan 350Z, përplaset për pompën e benzinës. Atëherë u plagos lehtë. “Vozita vetëm 70 km/h, nga 50!,” tha atëkohë ai për “Blick”. Policia ia sekuestroi patentën e shoferit.
Vijojnë hetimet
Çfarë ndodhi të shtunën, është akoma e paqartë. Sipas të gjitha gjasave, G.B. kishte datëlindjen. Nuk dihet nëse alkooli ka qenë sebep për aksidentin. Prokuroria po vijon hetimet e aksidentit tragjik.
Nga aksidenti vdiq shoferi 31-vjeçar, Jeton F., për të cilin shefi tha se ishte “mjaft i sinqertë, i përpiktë në orar dhe punëtor tepër i besueshëm”. Gjithashtu paraqiten si njeri i përgjegjshëm dhe që njihte mirë rrugët. Nuk besohet të ketë qenë shpejtësia tej normave të lejuara pasoja që shkaktoi aksidentin.
Viktima tjetër e aksidentin ishte Xhonson Syziu (22). Kjo ishte tepër tragjike, pasi 22-vjeçari i ndjerë kishte ardhur vetëm për një jave pushime në Zvicër – për të qenë pjesë në datëlindjen e G.B.. Tashmë ai është dërguar i vdekur në vendlindjen e tij, ngjashëm si Jeton F..
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?