Zelanda e Re në izolim, vetëm 20% e popullsisë e vaksinuar

Në Zelandën e Re është vendosur që të shtyhet dhe për pak kohë heqja e masave kufizuese, përcjell albinfo.ch.

Mediat raportojnë se kryeministrja Jacinda Arden ka bërë me dije se Aucklandi, qyteti më i madh i Zelandës së Re, do të mbetet në mbyllje për të luftuar përhapjen e mutacionit Delta të koronavirusit.

Ndër të tjera mësohet se qyteti do të mbetet në një nivel të rreptë karantine 4 deri në mesnatën e 21 shtatorit, dhe më pas do të kalojë në nivelin e alarmit 3.

Edhe pse numri i infeksioneve mbetet relativisht i vogël, autoritetet janë të shqetësuar, sepse vetëm një përqindje e vogël e popullsisë së Zelandës së Re – rreth 20% – është vaksinuar kundër COVID-19.