Xhemaili i lënduar, mungon në ndeshjen me Poloninë

Ai do të detyrohet të pushojë pasi që në stërvitjet përmbyllëse ka pësuar një lëndim muskuli në kofshën e djathtë.

Në ndeshjen testuese kundër Polonisë, përfaqësuesja zvicerane do të luajë pa Blerim Xhemailin. Lojtari mesfushor do të detyrohet të pushojë pasi që në stërvitjet përmbyllëse ka pësuar një lëndim muskuli në kofshën e djathtë.

Xhemaili do të udhëtojë për në Turqi, ku në klubin Galatasaray për të cilin ka filluar të luajë në këtë sezon do t`i nënshtrohet kontrollimit dhe trajtimit më të hollësishëm.

Edhe pa lëndimin e fundit, Xhemaili nuk ishte paraparë për formacionin e parë të Zvicrës në ndeshjen me Poloninë. Ai, në përballjen kundër Lituanisë, javën e kaluar, ka pasur ndeshjen e tij të 40-të për kombëtaren e Zvicrës.

Përveç Xhemailit, në ndeshjen kundër Polonisë do të mungojnë edhe portieri Yann Somer dhe mbrojtësi i jashtëm, Stephan Lichtsteiner.