Futboll
Xhaka shpallet Lojtari i Vitit në Zvicër
Xhaka mbizotëroi në zgjedhje ndaj fituesit të vitit të kaluar Yann Sommer (Bayern Munich) dhe Manuel Akanji (Manchester City)
Në kuadër të Natës së Futbollit të Zvicrës, e cila organizohet nga Shoqata Zvicerane e Futbollit dhe Liga Zviceriane e Futbollit, në Bernë u nderuan lojtarët më të mirë të vitit 2022, transmeton albinfo.ch. Trofeu “Iconic” u nda për gjashtë kategori.
Ngjarja është duke zhvilluar edhe në këto momente dhe po transmetohet drejtpërdrejt nga mediat zvicerane.
Lojtari i Vitit në Zvicër: Granit Xhaka
30-vjeçari shqiptar është kapiten dhe një nga lojtarët më të rëndësishëm në kombëtaren e Zvicrës. Në fund të marsit, në ndeshjen kundër Kosovës, ai ishte vetëm zvicerani i gjashtë që arriti shifrën e 100 ndeshjeve të luajtura ndërkombëtare, shkruan srf.ch.
Xhaka është gjithashtu një nga lojtarët më të mirë të padiskutueshëm në Arsenal të Londrës. Ai aktualisht është në krye të tabelës së Premierligës me londinezët, transmeton albinfo.ch. Xhaka mbizotëroi në zgjedhje ndaj fituesit të vitit të kaluar Yann Sommer (Bayern Munich) dhe Manuel Akanji (Manchester City).
Ai me këtë rast ka falënderuar “të gjithë për të gjitha” që kanë bërë për të, për të gjithä ata “që më kanë besuar”. Falënderimet e tij shkojnë për trajnerin e Nati-t, për bashkëlojtarët, për familjen etj. Ai po ashtu ka thënë se falënderon edhe ata që “nuk i kanë besuar” për faktin se ata e kanë shtyrë për tu bërë edhe më i mirë, shkruan albinfo.ch.
Lojtarja Zvicerane e Vitit: Ramona Bachmann
32-vjeçarja sulmuese ka luajtur tashmë për klubet si Rosenborg, Wolfsburg dhe Chelsea dhe ka festuar suksese të mëdha me të gjitha klubet. Lojtarija nga Lucerni ka qenë nën kontratë me Paris St-Germain që nga viti 2020, përcjell albinfo.ch. Me francezët ajo u bë kampione në vitin 2021 dhe një vit më vonë fituese e kupës. Bachmann është pjesë e pandarë e kombëtares që nga viti 2007.
Deri më tani ajo ka luajtur në 129 ndeshje ndërkombëtare, duke shënuar 57 gola.
box
Fituesit e tjerë të mbrëmjes:
Lojtari i Vitit i Superligës: Fabian Rieder (YB)
I riu i vitit: Fabian Rieder (YB)
Lojtari i Vitit në Challenge League: Brighton Labeau (Lausanne-Sport)
Lojtarja më e mirë e vitit në Superligën e femrave: Fabienne Humm (FCZ)
Të ngjashme
Të tjera nga Futboll
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani