Kosova
Vrasje e rëndë në Kosovë, policia jep detaje
Një person është vrarë gjatë pasdites së sotme në Fushë-Kosovë, ndërsa policia ka arritur ta arrestojë personin, i cili dyshohet se ka kryer vrasjen.
Rasti ka ndodhur rreth orës 16:50, ndërsa ngjarjen e ka konfirmuar zëdhënësi i Policisë së Kosovës, Daut Hoxha.
Hoxha ka dalë me një komunikatë për medie, ku ka sqaruar rrethanat e vrasjes së rëndë në Fushë-Kosovë.
“Rreth orës 16:50 kemi pranuar një informacion për një vrasje, e cila ka ndodhur në një shtëpi private në Fushë-Kosovë. Njësitet relevante të policisë menjëherë kanë shkuar në vendin e ngjarjes dhe kanë konstatuar që një trup i pajetë gjendet aty. Menjëherë në vend kanë dalë edhe njësitet e forenzikës dhe njësitet hetimore. Po ashtu ka dalë në vendin e ngjarjes edhe prokurori kujdestar”, ka thënë ai.
“Falë reagimit të shpejtë të Policisë, në vendin e ngjarjes është arrestuar një 40-vjeçar. Njësitet po hetojnë për të zbardhur rastin“.
“Mosha e viktimës është diku rreth 72-vjeçar. Ekziston dyshimi që viktima dhe dorasi kanë lidhje familjare. Nuk mund t’i themi rrethanat dhe nuk mund të flasim derisa të marrim raportet primare nga njësitet relevante. Rasti është konstatuar si “vrasje e rëndë”. Pas hetimeve intensive do t’i zbardhim të gjitha informacionet lidhur me këtë rast”.
“Dyshohet se në kryerjen e aktit është përdorur një mjet i mprehtë. Pas hetimeve të plota mund ta dimë sigurt. Informacione të tjera japim pas raporteve të të gjithë konfirmimit të saktë të ngjarjes, për të qenë më korrekt”, përfundoi ai, raportojnë mediat kosovare, përcjell albinfo.ch.
Të ngjashme
Të tjera nga Kosova
E-Diaspora
-
Gjestila Mehmetaj, një model frymëzimi për rininë shqiptare në mërgim Gjestila Mehmetaj vazhdon të jetë një model frymëzimi për komunitetin shqiptar dhe për ata që kanë...
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë