Von der Leyen: AstraZeneca do të japë 9 milionë doza të tjera vaksinash

AstraZeneca do të dorëzojë nëntë milion doza të tjera të vaksinës COVID-19 në Bashkimin Evropian në tremujorin e parë të këtij viti, duke bërë një total prej 40 milion dhe do të fillojë dorëzimet një javë më herët sesa pritej, tha presidentja e Komisionit Evropian, Ursula Von der Leyen. Kompania anglo-suedeze njoftoi papritur në fillim të këtij muaji se do të ndërpresë furnizimet në BE të kandidatit të saj të vaksinës në tremujorin e parë, duke shkaktuar një grindje rreth furnizimeve.

“AstraZeneca do të japë 9 milion doza shtesë në tremujorin e parë (40 milion në total) krahasuar me ofertën e javës së kaluar dhe do të fillojë dorëzimet një javë më herët sesa ishte planifikuar”, shkroi Ursula Von der Leyen, presidentja e Komisionit Evropian në Twitter.

Kompania do të zgjerojë kapacitetin e saj prodhues në Evropë, shtoi ajo, përcjell tutje albinfo.ch