Lajme
Vjena shtrëngon masat, testi i antigjenit, i pavlefshëm
Masat e reja që pritet të zbatohen nga 1 tetori do të qëndrojnë në fuqi për një muaj, raporton albinfo.at
Nga 1 tetori kryeqyteti austriak do të shtrëngojë masat ndaj koronavirusit. Kështu ka njoftuar kryetari i Vjenës, Michael Ludwig, gjatë një konference për shtyp.
Masat e reja që pritet të zbatohen nga 1 tetori do të qëndrojnë në fuqi për një muaj, raporton albinfo.at.
Rregullat e reja do të jenë këto:
Vizitorët do të lejohen të hyjnë në lokalet e gastronomisë së natës vetëm me një certifikatë 2G, që nënkupton: Duhet të jeni i vaksinuar apo i shëruar. Testi negativ i koronës në të ardhmen nuk do të jetë i vlefshëm për hyrjen në këto vende.
Punëtorët, të cilët punojnë në gastronomi të natës: (Restorante, kafeteri, diskoteka etj.) duhet të jenë të vaksinuar, apo të shëruar apo të testuar me PCR negativ; një test antigjen nuk do të jetë i vlefshëm.
Kjo rregullore do të përdoret edhe të gjitha fushat e tjera të ekonomisë, aty ku deri tash është kërkuar rregullorja 3G. Kjo vlen për të gjithë mbi moshën 12 vjeç. Fëmijët midis moshës 6 dhe 12 vjeç ende mund të hyjnë me një test negativ të antigjenit. Ndërkohë, vendet ku nuk është kërkuar asnjë rregullore si p.sh. në supermarkete apo të ngjashme, vazhdon të mbetet si më parë.
Certifikata 2G (I shëruar apo i vaksinuar) do të kërkohet gjithashtu për vendtakimet dhe eventet që do të mbledhin mbi 500 persona, pavarësisht nëse ngjarja zhvillohet brenda objektit apo diku në hapësirë, si p.sh: në stadiumet e futbollit, koncerte, teatër etj.
Tek dyqanet e shitjes me pakicë do të ketë një kërkesë të përgjithshme të maskës FFP2 për të gjithë klientët dhe punonjësit, pavarësisht cilit sektor i takojnë apo edhe nëse janë të vaksinuar.
Qëllimi i këtyre masave, sipas kryetarit të Vjenës, Michael Ludwig, është që të rrisë shkallën e vaksinimit si dhe të parandalojë rritjen e numrit të të infektuarave.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte