Lajme

Vjena në kërkim të 21 mijë punëtorëve

Nën moton “Punojmë në Vjenë” të martën në Bashkinë e Vjenës është mbajtur panairi i punës ku janë prezantuar punët interesante të së ardhmes.

Me rreth 67,000 të punësuar, Qyteti i Vjenës është një nga punëdhënësit më të mëdhenj në Austri.  Megjithatë, kjo shifër nuk është e mjaftueshme për kryeqytetin austriak, shkruajnë mediat austriake, përcjell albinfo.at

21 mijë punonjës të rinj po synon ti punësojë Vjena deri në vitin 2030. Sikurse edhe vendet tjera, edhe kryeqyteti austriak është në kërkim të punëtorëve të rinj.

Këto mundësi u prezantuan sot nën moton “Punojmë në Vjenë”, raporton “Die Presse”

“Përshkrimet e vendeve të punës në administratën e qytetit të Vjenës janë po aq të ndryshme sa qyteti ynë nga puna në natyrë në shumë fusha sociale, teknike dhe digjitale, ne ofrojmë vende pune klasike dhe inovative. Mundësitë për avancim janë të shkëlqyera, kushtet janë të jashtëzakonshme”, tha kryebashkiaku Michael Ludwig, përcjell albinfo.ch.

Personel tjetër që kërkohet është edhe ai nga fusha e infrastrukturës, IT-së e shëndetësisë.