Koronavirusi: çast pas çasti
Propozohet kufizimi i qarkullimit të automjeteve dhe qytetarëve për orë të caktuara
Ministri i Shëndetësisë, Arben Vitia, përmes një postimi në Facebook ka bërë të ditur se ka propozuar masa të reja në luftën ndaj koronavirusit.
Ai ka bërë të ditur se masat e reja që kanë të bëjnë për kufizimin e qarkullimit të automjeteve dhe qytetarëve në orare të caktuara në gjithë territorin e Republikës së Kosovës do të diskutohen sot në mbledhjen e Qeverisë.
“Ministria e Shëndetësisë, në koordinim me Institutin Kombëtar të Shëndetësisë, mbrëmë deri në orët e vona ka diskutuar në raport me shtimin e numrit të rasteve me COVID -19 gjatë ditës së djeshme. Nga data 08.02.2020 deri më 21.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 567 mostra të dyshimta me COVID-19 dhe prej tyre, gjithsej tridhjetë e një (31) raste kanë rezultuar pozitive”, ka shkruar Vitia.
Ai tutje ka shtuar se “bazuar në situatën e krijuar dhe me qëllim të ruajtjes së shëndetit të popullatës, sapo kërkova nga Kryeministri Albin Kurti që t’i propozojë Qeverisë masat shtesë në kuadër të gjendjes emergjente me qëllim të mbrojtjes së shëndetit publik. Këto masa do të diskutohen sot edhe me ministritë e linjave dhe do të paraqiten në mbledhjen e Qeverisë. Të gjitha këto masa do të shpjegohen saktë për qytetarët pasi të kenë marrë miratimin”.
Ministria e Shëndetësisë në koordinim të plotë me ministritë e linjës dhe Institutin Kombëtar të Shëndetësisë Publike të Kosovës (IKSHPK) konform Planit të Veprimit dhe në pajtim të plotë me masat emergjente të aprovuara nga Qeveria e Kosovës, pas shtimit të numrit të rasteve të reja të personave që kanë rezultuar pozitiv me virusin COVID – 19, propozon masa të reja, të cilat kanë për qëllim mbrojtjen e shëndetit publik, respektivisht kufizimin e qarkullimit të automjeteve dhe qytetarëve në orare të caktuara në gjithë territorin e Republikës së Kosovës.
Ai ka kërkuar që të ketë disiplinë nga qytetarët në këtë situatë, pasi është e një rëndësie jetike.
“Bashkëpunimi juaj, vetdisiplina dhe kujdesi janë jetike në këtë betejë ku po sfidohen seriozisht edhe sistemet më të avancuara shëndetësore. Është jashtëzakonisht e rëndësishme që të jemi bashkë në administrimin e kësaj situate. Ju lutem që të mirëkuptoni, ndiqni dhe të zbatoni të gjitha masat e reja. Kujdesi për vetveten dhe familjet tona, solidariteti jemi dhe përgjegjshmëria janë mënyra që do të na e mbrojë shëndetin e secilit. Si asnjëherë më parë kërkohet nga ju të jeni në krye të përgjegjësisë shoqërore, duke e mbrojtur vendin. Shpresoj e besoj se të gjithë bashkë do t’ia dalim”, thotë ai, përcjell Albinfo.ch.
Të ngjashme
Të tjera nga Koronavirusi: çast pas çasti
E-Diaspora
-
Itali, shpallen në kërkim 4 shqiptarë për këto arsye Policia shqiptare dhe ajo italiane janë përfshirë gjatë ditës së sotme në një operacion të përbashkët...
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun