Maqedonia

Viktimë e një sherri banal, sulmohet një shqiptar në Kroaci

E premte, 27 Shtator 2019 - 17:22 albinfo.ch

Sulmuesi shqiptar, Muzafer Ejupi, me origjinë nga Tetova, i cili luan me skuadrën e Slaven Belupos, është sulmuar barbarisht në Kroaci.

Mësohet se lojtari ka qenë viktimë e një sherri banal në një parking, ku i shoqëruar nga kunati i tij është sulmuar barbarisht nga një shtetas kroat, përcjell albinfo.ch.

Lajmin e ka konfirmuar edhe policia kroate, teksa sulmuesi shqiptar i Slaven Belupos është dëmtuar rëndë, pas goditjes që ka marrë me një shufër metalike. Ai madje ka rrezikuar të humbasë syrin e djathtë.

Ejupi ka qenë për shumë pak kohë pjesë e skuadrës së Skënderbeut, gjatë vitit 2013.

Klubi i Slaven bën thirrje që të merren masat ndaj autorit dhe i ka uruar shërim të shpejtë lojtarit.