Futboll

VIDEO: Ajeti gjen golin e parë në Zvicër

Ky është goli i parë i Ajetit me fanellën e Grasshopper në Zvicër

E hënë, 25 Shkurt 2019 - 9:00 albinfo.ch
(KEYSTONE/Walter Bieri)

Mbrojtësi i kombëtares shqiptare, Arlind Ajeti, ka shënuar golin e parë me Grasshopper në Zvicër.

Ajeti ka realizuar golin e barazimit për ekipin e tij në takimin kundër Thunit, përcjell albinto.ch.

Po zhvillohej minuta e 19-të e ndeshjes, kur Thun po kryesonte 1:0 me gol të shënuar në të 13-ten dhe mysafirët fitojnë një goditje këndi.

Topi shkon në zonë, aty ku lojtarët e Grasshopper gjuajnë drejt portës, por portieri vendas pret dhe rikthen topin në lojë, dhe afër vijës fatale ndodhet mbrojtësi i kombëtares shqiptare që godet topin dhe barazon rezultatin në 1:1.

Një ndeshje pozitive kjo për mbrojtësin e kombëtares shqiptare, që pas një kohe të gjatë është rikthyer të luajë në nivele profesioniste.

Ky është goli i parë i Ajetit me fanellën e Grasshopper në Zvicër, ndërsa gjatë gjithë karrierës qendërmbrojtësi kuqezi ka shënuar dhe pesë gola të tjerë në të gjitha garat.

 Të ngjashme

Ekspozita “Gjergji në Art” një mozaik identiteti, arti dhe kujtese kombëtare

 Të tjera nga Futboll

Presidenti i Baselit flet për të ardhmen e Shaqirit: “Nuk mendoj se do të largohet”

 E-Diaspora

 Jeta në Austri