Veseli: Ushtarët e UÇK-së nuk i frikësohen drejtësisë

Komandantë e ushtarë do t’i “nënshtrohen” intervistimit në Gjykatën Speciale për krimet e kryera gjatë luftës në Kosovë.

Dy ish-komandantë, ai i Zonës së Drenicës, Sami Lushtaku dhe ai i Llapit, Rrustem Mustafa, janë kthyer nga Haga pas intervistimit.

E kryetari i Kuvendit të Kosovës, Kadri Veseli, ka pritur ish-komandantin e Llapit, Rrustem Mustafa, pas kthimit në Kosovë.

Veseli ka thënë se luftëtarët e UÇK-së nuk i frikësohen drejtësisë.

”Ishte kënaqësi të pres në zyrën time bashkëluftëtarin dhe mikun tim Remin, pas kthimit të tij nga Haga. Qëndrimi i tij dinjitoz rreth ftesës nga Gjykata Speciale është edhe një provë më shumë për luftën tonë të drejtë çlirimtare. Ne, nuk kemi frikë nga drejtësia, sepse UÇK, nga fillimi në fund, qëndroi dhe luftoi në anën e drejtësisë”, ka shkruar Veseli në Facebook.