Veseli premton rritje të buxhetit për shëndetësinë

Kryetari i Kuvendit të Kosovës, Kadri Veseli së bashku me ministrin e Shëndetësisë, Uran Ismaili, kanë vizituar Klinikën e Onkologjisë në QKUK, nga ku edhe kanë premtuar rritje të buxhetit për shëndetësi.

Rritja e buxhetit, sipas Veselit, do të bëhet për të plotësuar nevojat, si në sektorin e barnave, ashtu edhe në përmirësimin e kushteve të punës dhe të ofrimit të shërbimeve të tjera.

Ai tha se kjo do të bëhet në mënyrë që të evitohet maksimalisht nevoja e qytetarëve për të kërkuar ndihmë mjekësore jashtë kufijve të Kosovës, përcjell albinfo.ch.

Ndërsa ministri i Shëndetësisë, Uran Ismaili, u zotua për të eliminuar defektet që e kanë përcjellë shëndetësinë vite me radhë dhe njëkohësisht për të ndërmarrë hapa që përmirësojnë dukshëm kushtet në këtë sektor.