Vendos Gjykata Supreme, Istogu shkon në rivotim

Kolegji i Gjykatës Supreme, ka refuzuar si të pathemelta ankesat e subjekteve politike LDK dhe AAK, të cilat kanë kundërshtuar vendimin e PZAP-së, duke vendosur kështu që Istogu të shkojë në rivotim

Gjykata Supreme e Kosovës  ka vendosur lidhur me ankesat e subjekteve politike, Lidhjes Demokratike të Kosovës (LDK) dhe Aleancës për Ardhmërinë e Kosovës (AAK), të paraqitura kundër vendimit të Panelit Zgjedhor për Ankesa dhe Parashtresa (PZAP). Sipas kësaj ankese komuna e Istogut shkon në rivotim.

“Kolegji i Gjykatës Supreme, ka refuzuar si të pathemelta ankesat e subjekteve politike LDK dhe AAK, të cilat kanë kundërshtuar vendimin e PZAP-së, duke vendosur kështu që Istogu të shkojë në rivotim”, thuhet në vendim të Gjykatës.

Në Istog në raundin e parë ka fituar kandidati i LDK-së, Haki Rugova, kurse në balotazh rezultatin e përmbysi kandidati i AAK-së, Gani Dreshaj. Kt i fundit fitoi me ndihmën e diasporës, votat që më vonë u kontestuan.