Vendet që blenë më shumë ar gjatë 2024

(KEYSTONE/Martin Ruetschi)

Polonia dhe India janë dy vendet që blenë më shumë ar gjatë vitit 2024 për të rritur më tej rezervat e tyre.

Banka Kombëtare e Polonisë, e njohur gjithashtu si “Narodowy Bank Polski”, u bë blerësja më e madhe e arit midis bankave qendrore në tremujorin e dytë të 2024, duke blerë afërsisht 19 tonë metal të çmuar.

A2 raporton se Presidenti i Bankës Kombëtare të Polonisë, Adam Glapinski zbuloi se institucioni që ai drejton do të vazhdojë të blejë ar dhe synon që metali i verdhë të përbëjë 20% të rezervave të bankës.

Një nga arsyet kryesore që bankat qendrore po grumbullojnë më shumë ar kohët e fundit është që të jenë në gjendje të diversifikojnë mjaftueshëm rezervat e tyre për të qenë të mbrojtura kundër pasigurisë makroekonomike dhe goditjeve gjeopolitike.

Kjo ndodh sepse, për sa i përket paqëndrueshmërisë ekonomike dhe gjeopolitike, kur çmimet e monedhave mund të luhaten, ari shihet si një aktiv strehë e sigurt dhe një mbrojtje e inflacionit.

Ari gjithashtu ndikohet më pak nga rreziku i politikës dhe mund të përdoret si një kolateral dhe mjet i vlefshëm politikash. Në disa raste, ai mund të ndihmojë gjithashtu vendet që përballen me sanksione ndërkombëtare, si Rusia, për t’i shmangur ato. Kjo nga ana tjetër, i nxit këto vende të blejnë më shumë ar dhe ta përdorin atë për të ndihmuar në ruajtjen e likuiditetit të tyre, në rast se mjetet e tjera të financimit janë të bllokuara ose të vështira për t’u aksesuar.

Përveç Bankës Kombëtare të Polonisë dhe Bankës së Rezervës së Indisë, edhe Banka Qendrore e Turqisë vazhdon të blejë shumë ar, duke shtuar 15 tonë rezervave të saj në tremujorin e dytë të vitit. Me këtë shumë, banka qendrore e Turqisë ka blerë deri tani 45 tonë ar këtë vit.

Jordania, Katari, Rusia, Uzbekistani, Kirgistani, Iraku dhe bankat qendrore të Republikës Çeke blenë gjithashtu sasi të konsiderueshme gjatë tremujorit të dytë.

Në Poloni, kërkesa për ar është rritur pas pandemisë COVID-19 dhe për shkak të luftës Rusi-Ukrainë. Shumë investitorë kanë frikë se pushtimi rus në Ukrainë mund të përhapet në Poloni dhe duan të përgatiten në rast të një skenari të tillë duke investuar më shumë në metalin e vlefshëm.