Vdes një rekrut pas stërvitjes në ushtrinë zvicerane

(KEYSTONE/Christian Beutler)

Një rekrut i ushtrisë zvicerane u rrëzua gjatë një stërvitje në Eschenbach të mërkurën dhe më vonë vdiq. Sistemi i drejtësisë ushtarake po heton rastin.

Zëdhënësi i ushtrisë, Stefan Hofer, e konfirmoi rastin. Ushtria i ofroi ushtarit kujdesin mjekësor dhe Rega e dërgoi atë në spitalin më të afërt. Megjithatë, ai vdiq atje pak kohë më vonë, shkruan 20minuten.

Misioni i ushtarëve ishte të marshonin përpara midis Rapperswil dhe Wattëil. Sipas zëdhënësit të ushtrisë, Hofer, ushtarët po udhëtonin me një ritëm të lehtë. Kjo do të thotë se ata nuk duhej të mbanin maskë mbrojtëse ose pajisje të tjera të rënda. Hofer konfirmon se çështja tani po hetohet nga brenda, nga sistemi i drejtësisë ushtarake. Nuk ka ende informacion të mëtejshëm për këtë, përcjell albinfo.ch.