Koronavirusi: çast pas çasti

Vdes një grua nga Covid-19, arrin në 33 numri total i viktimave

E diel, 14 Qershor 2020 - 13:26 albinfo.ch
Foto nga Zyra e Kryeministrit Kurti në Facebook

Sot ka vdekur një grua nga Prizreni, e cila ishte e infektuar me koronavirus, bën të ditur Ministria e Shëndetësisë përmes një komunikate për media.

Klinika Infektive e QKUK-së ka njoftuar se sot më 14.06.2020, në këtë klinikë ka ndërruar jetë pacientja R.M. (1944) nga komuna e Prizrenit. Pacientja ishte në trajtim në Mjekimin Intensiv të kësaj klinike dhe ishte e diagnostikuar me Covid-19 si dhe kishte edhe sëmundjeve të tjera shoqëruese”, thuhet në njoftim.

Që nga fillimi i pandemisë, në Kosovë kanë vdekur 33 pacientë, të cilët kanë qenë të diagnostikuar me Covid-19.

Kurse QKUK-ja përmes një njoftimi në Facebook ka bërë të ditur se në Klinikën Infektive janë të hospitalizuar 40 raste me Covid-19.

Gjendja e pacientëve të sëmurë me Covid-19 është si vijon;

27 raste janë në gjendje stabile.

12 raste janë duke u trajtuar në repart me oksigjenoterapi dhe përkujdesje intensive.

Në repartin e Mjekimit Intensiv është duke u trajtuar një paciente në gjendje kritike me frymëmarrje të asistuar dhe përkujdesje intensive, përcjell Albinfo.ch.

 Të ngjashme

Tetë raste të reja me koronavirus në Kosovë

 Të tjera nga Koronavirusi: çast pas çasti

OBSH: Vdekjet nga Covid-19, tri herë më shumë se sa raportohen

 E-Diaspora

 Jeta në Austri