Vdes në aksident 44-vjeçari shqiptar në Itali

Ka vdekur në Itali një 44-vjeçar shqiptar, i identifikuar si Lorenc Koleci, pasi është përfshirë në një aksident tragjik.

Ngjarja ka ndodhur në zonën Fermo, në sheshin e njohur si Ostilio Ricci, ku shqiptari ka qenë duke udhëtuar me motor, kur ka humbur kontrollin e mjetit dhe ka dalë nga rruga duke u përmbysur, transmeton albinfo.ch.

Sipas raportimeve nga mediat italiane, si pasojë ata kanë pësuar fraktura të shumta në trup. Mësohet se dy të plagosurit janë dërguar me urgjencë në spitalin e Ancona-s, por fatkeqësisht 44-vjeçari shqiptar nuk ka mundur të mbijetojë.

Deri më tani nuk dihen shkaqet dhe rrethanat e plota të ngjarjes, ndërsa paraprakisht dyshohet se shkak është bërë tejkalimi i shpejtësisë. Autoritetet kanë nisur hetimet për zbardhjen e rrethanave të këtij aksidenti të rëndë.