Integrimi
«Vatra» feston kuq e zi në Cyrih
28 Nëntori dhe Dita e Flamurit po festohet me disa aktivitete në Cyrih, Bernë dhe në të gjitha qytetet e Zvicrës ku jetojnë shqiptarët.
Kështu në Cyrih është organizuar të dielën një manifestim festiv nga ansambli «Vatra», ku ishin mbledhur mërgimtarët për të shënuar këtë datë të rëndësishme për shqiptarët.
Intonimi i himnit kombëtar shënoi edhe fillimin e kësaj ngjarjeje, ndërsa për përmbajtjen e programit i ka njoftuar të pranishmit Ilire Kozhani dhe Nermina Haliti, moderatore të këtij manifestimi.
Kozhani, për t’i bërë kurreshtarë të pranishmit, tha se janë përkujdesur për një program të përzgjedhur dhe të pasuar me këngë dhe befasi të tjera.
Ashtu edhe doli!
Para se të fillojë programi, fillimisht ngjitet në skenë kryetari i ansamblit «Vatra», Nexhmedin Isufi-Nexhi, për t’i përshëndetur mysafirët. Të njëjtën e bëri edhe konsulli i Kosovës në Cyrih, Islam Spahija.
Pjesa artistike e këtij manifestimi është begatuar me këngë e valle të trevave tona të interpretuara për mrekulli nga ansambli “Vatra” e Cyrihut dhe “Trojet” nga Winterthuri. Po ashtu programi është bërë edhe i begatshëm me këngët e kënduara nga Flutura Bytyqi, Nikollë Shtufi, Vjollca Haci, Berat Shala, Emin Raci, Manjolla Mace.
Impresionuese ishte monologu i Ilire Kozhanit për mysafirët e mbledhur në restorantin «Salmen» në Scchlieren.
Programi është përmbyllur me “Këngën e Kaçanikut” nga ansambli «Vatra»
Ndërsa kryetari i ansamblit, Nexhmedin Isufi, ishte kujdesur që të ndajë mirënjohje për të gjithë ata që kanë kontribuar me punën e tyre për realizimin e këtij manifestimi.
Mirënjohje speciale ka marrë koreografi Arsim Berisha, i cili kishte përgatitur pjesën artistike dhe vallet që i duartrokitën gjatë mysafirët.
Albinfo.ch ju përcjell atmosferën nga ky manifestim në Cyrih që ishte organizuar për Ditën e Flamurit.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri