Lajme
Vajzat shqiptare që u bënë storie suksesi në Turqi
Shqiptarët kanë arritur të bëhen emra të njohur në shtetet e tjera në shumë fusha të ndryshme.
Shumë këngëtare dhe aktore apo prezantuese shqiptare kanë shkuar jashtë vendit për një jetë më të mirë e sukses më të madh në karrierën e tyre, përcjell albinfo.ch.
Kështu kanë vepruar edhe 4 vajzat, të cilat janë bërë shumë të famshme në Turqi.
Laureta Gashi, e cila njihet me emrin artistik Asya Gashi, është një këngëtare e njohur që ka lindur në Kosovë dhe pasi mbaroi Fakultetin e Arteve në Prishtinë, u zhvendos në Turqi për ta vazhduar karrierën atje. Asya ka publikuar disa këngë që kanë arritur shumë sukses, duke zënë vendin e tretë në iTunes.
Almeda Abazi ka lindur në Tiranë, shkollën dhe universitetin e mbaroi në Turqi. Shqiptarja vendosi që jetën e saj ta vazhdonte në shtetin turk, ku u bë e famshme duke luajtur në disa seri e filma. Atje Almeda njohu edhe dashurinë e jetës, aktorin Tolgahan Sayisman dhe çifti sot janë prindër të një djali.
Vanesa Doçi është një nga emrat më të rinj të muzikës. Ajo është motra e këngëtares Aida Doçi. Vanesa sapo ka nisur karrierën e saj në Turqi dhe pak kohë më parë publikoi këngën e saj të parë për tregun muzikor turk. Kënga u prit shumë mirë dhe Vanesa i mahniti të gjithë me zërin e saj, aq sa e krahasojnë mjeshtrinë e këndimit të ngjashme me Ibrahim Tatlises.
Arbnora Ademaj, prezantuesen nga Kosova do ta shohim së shpejti në seri turke, transmeton express. Prej disa kohësh Arbnora po qëndron në Turqi, ku ka takuar disa nga aktorët më të njohur turq, me të cilët pritet të bashkëpunojë. Pak kohë më parë u zbulua se Arbnora do të luajë me “Ezelin” në një seri të ri turke. /Albinfo.ch.
Të ngjashme
Të tjera nga Lajme
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit