Universiteti italian bashkëpunon me Ministrinë e Shtetit për Diasporë

Sipas ministrit të Shtetit për Diasporë, Pandeli Majko, arsimi është rruga më e mirë e integrimit.

Me anë të një postimi në rrjetin social Facebook, Majko ka treguar se universiteti italian E-campus tashmë ka filluar një bashkëpunim me Ministrinë e Shtetit për Diasporë dhe Fondin Shqiptar të Diasporës.

Ministri thekson se ministria, universiteti dhe fondi ofrojnë mundësi të diplomave që njihen në të gjitha vendet e Evropës.

Universiteti E-Campus ka 5 universitete dhe 44 degë studimi, drejtësi, ekonomi, psikologji, inxhineri dhe letërsi, ndërsa të rinjtë shqiptarë që shkojnë në këtë universitet kanë të drejtë të studiojnë në fushat e reja si ajo e kriminologjisë, e inxhinierisë së droneve, të biologjisë dhe letërsisë shqipe.