Unioni i Bizneseve Shqiptare-Gjermane promovon hapjen e fabrikës “Po!” në Ferizaj

Pavarësisht pandemisë, së fundmi Unioni i Bizneseve Shqiptare-Gjermane ka mbajtur një takim lidhur me promovimin e fabrikës së pijeve në Ferizaj, shkruan albinfo.ch.

Takimi i anëtarëve të Unionit në Bornheim ishte i organizuar nga grupi aktiv i rrethit Bonn/Rhein-Sieg.

Gjatë takimit u promovua hapja e fabrikës “Po!” për pije në Ferizaj, pronarë të së cilës janë anëtari i shquar dhe koordinatori në Union, Fatbardh Blenishta/R.B.Bau GmbH me bashkëpronarët, anëtarë të Unionit, Isuf Sahiti, Mentor Shehu dhe Fatlum Blenishta.

Po ashtu, përveç mbledhjes së mbajtur, takimi u shoqërua edhe me muzikë nga Vëllezërit Tahiri.

Pesë firma pjesëmarrëse në takim shprehën dëshirën e madhe të jenë pjesë e Unioni. Duraku GmbH, DS/Sami Delijaj, VB UG, MV Bau GmbH dhe Shabani Bewehrungstechnik GmbH, të cilave Kryesia dhe Kryetari i Unionit, Nazmi Viqa, u dëshirojnë mirëseardhje në Union. /Albinfo.ch