UNDP: 75 mijë euro për Regjistrimin e Diasporës

Kjo shumë do të kontribuojë në realizimin e fushatës informuese dhe sensibilizuese për promovimin Regjistrimit të Diasporës që do të zbatohet gjatë vitit 2016 nga projekti DEED.

Të hënën  Programi për Zhvillim i Kombeve të Bashkuara (UNDP) dhe Ministria e Diasporës kanë nënshkruar një marrëveshje për bashkëpunim në zbatimin e projektit Angazhimi i Diasporës në Zhvillimin Ekonomik.

Marrëveshja, që kap vlerën prej 75 mië eurosh do të kontribuojë në realizimin e fushatës informuese dhe sensibilizuese për promovimin Regjistrimit të Diasporës që do të zbatohet gjatë vitit 2016.

Në një njoftim të UNDP thuhet se marrëveshja  është nënshkruar nga Alessandra Roccasalvo, zëvëndës përfaqësuese e Përhershme e UNDP-së dhe Osman Shahini, sekretar permanent në MeD.

Projekti DEED është duke u implementuar së bashku nga Programi i Kombeve të Bashkuara për Zhvillim (UNDP) dhe Organizata Ndërkombëtare për Migrim (IOM).

Ky projekt synon ofrimin e mundësive për kosovarët që jetojnë jashtë vendit për të qenë aktivë në zhvillimet ekonomike të Kosovës duke përkrahur krijimin e vendeve të punës dhe ndërmarrësisë përmes investimeve dhe ndryshimit të shfrytëzimit të dërgesave për konsumim.