Lajme
U mbajt panairi i librit “Diaspora 2022”
Pos librave të shumtë në gjuhën shqipe, të pranishmit patën mundësi të ndjekin edhe një performancë artistike, ritmet e valleve krijuan një atmosferë të këndshme
Pas dy vjetësh mungesë, Panairi i Librit “Diaspora 2022” ka hapur dyert këtë të diel në një atmosferë të veçantë dhe me praninë e shumë të interesuarve, shkrimtarë e adhurues të shumtë të librit, të cilët patën rastin të gjenin larmi librash dhe të takoheshin me autorët.
Në panairin e librit “Diaspora 2022” veprat e tyre letrare dhe artistike i kanë prezantuar rreth 33 shkrimtarë dhe 4 shtëpi botuese nga Shqipëria, Kosova dhe Maqedonia e Veriut. Platforma mediale albinfo.ch ishte partnere medial e edicionit të sivjetme të panairit të librit.
Në mesin e mysafirëve të ftuar ishin edhe personalitet nga Shqipëria, Kosova si dhe nga Maqedonia e Veriut. I pranishëm ishte edhe profesori dhe poeti Agim Vinca, Agron Dalipaj nga Pogradeci, Aleksandër Hasanas nga Korça, Çun Lajçi nga Prishtina, Shoqata e Krijuesve Shqiptarë të Zvicrës dhe shumë të tjerë krijues, e adhurues të letrave të shkruara.
Nikoqir i këtij panairi ishte shoqata “Bashkimi” me seli në Uster të Cyrihut, organizim ky tashmë tradicional. Drejtuesi i shoqatës “Bashkimi” Guximtar Alushi, shpreson që këtij eventi kulturor do t`i bashkëngjiten afaristë që veprojnë në Zvicër në mënyrë që të japin kontributin e tyre në përkrahje të këtij organizimi kulturor të diasporës.
Pos librave të shumtë në gjuhën shqipe, të pranishmit patën mundësi të ndjekin, edhe një performancë artistike, ritmet e valleve krijuan një atmosferë të këndshme tek të pranishmit.
Në një prononcim për albinfo.ch kryetari i shoqatës, “Bashkimi”, Guximtar Alushi, ka thënë se “kësaj radhe kemi të ftuara dhe shoqatat kulturore që veprojnë në Zvicër me qëllim që secila shoqatë kulturore të ketë mundësinë t`i prezantohet publikut me programin e vet dhe kështu do të krijohen ura bashkëpunimi edhe më të gjerë.
Ndërsa sa i përket interesimit për panairin e sivjetmë “Diaspora 2022”, Alushi ka treguar se “ka pasur interesim të madh nga shkrimtarët nga Kosova, por për fat të keq, nuk kanë qenë të pajisur me vizë, dhe e kanë pasur të pamundur të marrin pjesë”.
Panairi i Librit “Diaspora 2022” realizohet me mjetet vetjake të shoqatës “Bashkimi” me seli në Uster të Cyrihut, e cila fal anëtarësisë ende ka fuqinë ta përballojë realizimin e një eventi të tillë.
(Teksti dhe fotot: Armend Berisha)
Të ngjashme
Të tjera nga Lajme
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Austri
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl Përpos figurave tjera kryesore të LDK-së, i pranishëm ishte edhe vet kryetari Lumir Abdixhiku i cili...
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët