Shqipëria
Turizmi vitin e kaluar i solli Shqipërisë mbi 4 miliardë euro
Të dhënat nga Banka e Shqipërisë tregojnë se ekonomia shqiptare ka përfituar 4.1 miliardë euro të ardhura nga udhëtimet gjatë vitit të kaluar. Shifra, e cila përbën rekordin historik, është rritur me 45 për qind krahasuar me një vit më parë. Në vitin 2022, të ardhurat nga sektori i udhëtimeve, të cilat janë treguesi më i afërt i përfitimeve nga turizmi ishin 2.8 miliardë euro, përcjell albinfo.ch.
Sipas statistikave të Bankës së Shqipërisë, turizmi tashmë është eksporti më i madh i Shqipërisë dhe burimi kryesor i valutës që hyn në vend. Të dhënat tregojnë se gjatë vitit të kaluar sektori i turizmit i la ekonomisë shqiptare një suficit valutor neto prej 1.8 miliardë eurosh. Kjo shifër është diferenca mes të ardhurave që të huajt shpenzojnë për turizëm në Shqipëri dhe shpenzimeve që shqiptarët bëjnë në udhëtimet e tyre jashtë shtetit. Sipas BSH, gjatë vitit 2023 shqiptarët shpenzuan 2.3 miliardë për udhëtime dhe turizëm jashtë Shqipërisë.
Rritja e turizmit, sipas bilancit të pagesave është arsyeja kryesore që po ul deficitin e llogarisë korrente të vendit, duke e çuar llogarinë korrente gati në ekuilibër neutral. Vitin e kaluar deficiti korrent i vendit, treguesi që mat diferencën mes valutës që del nga Shqipëria dhe asaj që hyn në vend rezultoi vetëm 190 milionë euro, ose më pak se 0.8 për qind e Prodhimit të përgjithshëm kombëtar.
Kjo është shifra më e ulët historike e deficit korrent që nga rënia e sistemit komunist dhe, sipas BSH, është arsyeja e forcimit të lekut ndaj euros.
TË ARDHURAT NGA TURIZMI
Viti 2019 2.1 miliard euro
Viti 2020 989 mln euro
Viti 2021 1.9 miliard euro
Viti 2022 2.8 miliard euro
Viti 2023 4.1 miliard euro
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë