Trenat nga Cyrihu në qytetet italiane dhe spanjolle mund të anulohen

pixabay

Partitë e të rinjve protestojnë kundër heqjes së trenave të natës që niseshin për në Romë dhe Barcelonë, përcjell albinfo.ch.

Trenat e rinj të planifikuar të natës nga Cyrihu në qytetet italiane dhe spanjolle mund të anulohen për shkak të mungesës së fondeve.

Në përgjigje, koalicioni i seksioneve rinore të disa partive kanë publikuar një deklaratë të përbashkët të martën, duke e cilësuar vendimin “të papranueshëm”.

Ata thonë se trenat e natës “përfaqësojnë një zgjidhje tërheqëse dhe të qëndrueshme për udhëtimin në Evropë, veçanërisht për të rinjtë”, dhe duke argumentuar se “kursimet në fushën e transportit duhet të bëhen në vend të autostradave”.