Lajme
“Tërmet” politik: Komunistët fitojnë zgjedhjet lokale në Grac
Një "tërmet" politik ndodhi në zgjedhjet lokale në Grac. Në qytetin e dytë më të madh të Austrisë ka fituar bindshëm Partia Komuniste e Austrisë (KPÖ)
Sipas rezultateve të para, bazuar në pjesën e votave të numëruara dhe të transmetuar nga mediat austriake, KPÖ fitoi 29 për qind të votave, dhe kështu zuri vendin e parë në këtë qytet, përcjell albinfo.at.
Partia KPÖ ka një shtrirje të mirë në Grac, ndërsa në nivelin parlamentar të Austrisë ajo prej vitesh nuk arrin ta kalojë as pragun.
Në vendin e dytë ka dalë Partia Popullore e Austrisë (ÖVP), me 26 për qind të votave, që është 12 për qind më pak se në zgjedhjet e 2017 -ës.
Të Gjelbrit janë në vendin e tretë, me 17 për qind të votave, dhe Partia Socialdemokrate (SPÖ) është në vendin e katërt, me 9.8 për qind të votave.
Partia Neos gjithashtu do të hyjë në Kuvendin e qytetit.
Bazuar në këto rezultate, kryetarja e partisë KPÖ, Elke Kahr, pritet të bëhet edhe kryebashkiakja e parë komuniste e Gracit.
Në anën tjetër, ish-kryebashkiaku i Gracit, Siegfried Nagl, i cili ka drejtuar qytetin për 18 vjet, pas disfatës që ka pësuar ai dhe partia e tij, menjëherë të dielën në mbrëmje dha dorëheqje.
Zgjedhjet po ashtu janë mbajtur edhe në landin e Austrisë së Epërme. Atje ka fituar sërish partia ÖVP dhe kryebashkiaki Thomas Stelzer.
Ashtu si për Këshillin lokal dhe për kryetarin e Bashkisë, zgjedhjet u mbajtën në të njëjtën kohë.
Partia ÖVP (Partia Popullore e Austrisë) ka fituar 37.6 për qind, e ndjekur nga partia e ekstremit të djathtë FPÖ me 19.8 për qind, SPÖ me 18.6 për qind dhe Partia e Gjelbër me 12.3 për qind.
Në këto zgjedhje me parti të ndryshme kanë garuar edhe disa kandidatë shqiptarë, por ndonëse albinfo.at i ka kontaktuar, ata ende po presin numërimin e votave që të na njoftojnë me rezultatet përfundimtare.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl