Tërmet në Turqi, 8 të vdekur

Së paku tetë persona kanë vdekur dhe pesë të tjerë janë lënduar të dielën në pjesën lindore të Turqisë pas tërmetit prej 5.7 shkallësh që u regjistrua afër kufirit me Iranin.

Dridhja ndodhi edhe në një pjesë të territorit të Iranit dhe u ndie në provincën turke, Van.

Ministri i Brendshëm turk, Suleyman Soylu, tha se disa ndërtesa janë dëmtuar dhe shumë njerëz janë bllokuar nën gërmadha.

Ai njoftoi se autoritetet i kanë dërguar ekipet e shpëtimit në zonën ku ndodhi tërmeti, shkruan “Anadolu”, transmeton Gazeta Express, përcjell albinfo.ch.

Turqia këtë vit u godit edhe nga një tërmet tjetër, me ç’rast 41 persona vdiqën dhe 1600 u lënduan.

---