Subvencionimi për ndërrimin e ngrohjes, më shumë se një vit larg

@pixabay

Subvencionet për zëvendësimin e ngrohjes me lëndë djegëse fosile do të vonohen. Urdhëresa përkatëse është planifikuar për 1 janar 2025, tha ministri i Energjisë, Albert Rösti, për RTS.

Duke i thënë “po” ligjit për mbrojtjen e klimës më 18 qershor, qytetarët pranuan edhe ndihmën financiare prej 2 miliardë frangash për zëvendësimin e sistemeve të ngrohjes me gaz dhe naftë.

Pronarët që zëvendësojnë instalime të tilla me ngrohje me dru ose pompa nxehtësie do të mund të përfitojnë nga mbështetja totale prej 200 milionë frangash në vit, përcjell albinfo.ch.

Urdhëresa përkatëse është duke u hartuar, tha Albert Rösti, duke theksuar se kjo kërkon kohë. Vërtet duhet të sqarohen pyetje të ndryshme në lidhje me ngrohësit që mund të ndërrohen dhe përqindjen e mbështetjes për transformimin, saktësoi këshilltari federal i SVP-së.