Spanja eliminon Zvicrën me penallti

Penalltitë kanë vendosur fituesin e përballjes Zvicër-Spanjë

Spanja vetëm pas penalltive ka mundur Zvicrën, duke u kualifikuar në gjysmëfinale të Kampionatit Evropian.

Goli i parë i ndeshjes u realizua në minutën e tetë kur goditjen e Jordi Albas e devijoi Denis Zakaria për 0:1. Zvicra luajti më mirë në pjesën e dytë dhe gjeti golin e barazimit. Xherdan Shaqiri, i cili ishte kapiten shënoi nga afërsia për 1:1. Ky ishte goli i tretë i Shaqirit në këtë Evropian. Ylli shqiptar u zëvendësua në minutën e 80-të, shkruan albinfo.ch.

Zvicra nga minuta e 77-të luajti me një futbollist më pak, pasi Freuler u ndëshkua direkt me karton të kuq, pas një ndërhyrje të ashpër.

Koha e rregullt përfundoi 1:1, ashtu si edhe vazhdimet, ku ndeshja u vendos në penallti. Në penallti më të mirë ishin spanjollët që triumfuan dhe u kualifikuan në gjysmëfinale.

 

---