Skiatorja e Shqipërisë u rendit e 11-ta në finalen e Kupës së Botës në Austri

Facebook

Skiatorja Lara Colturi u rendit e 11-a në finalen e Kupës së Botës të mbajtur këtë të diel në Saalbach të Austrisë.

Elvis Toçi, presidenti i Federatës së skive, tha për Euroneës Albania se kjo është një arritje shumë e madhe për Shqipërinë, pasi e fut atë në listën e më të mirëve të botës.

I pyetur se si shkoi performaca, Toçi tha se në garën e parë Colturi nuk i përmbushi pritshmëritë, por në garën e dytë ajo arriti të renditej e treta në renditjen e përgjithshme, duke bërë që Shqipëria të merrte vendin e 11-të në Kupën e Botës.

“Performanca e Shqipërisë ishte e shkëlqyer. Gara e parë nuk arriti të kishte performancën e nevojshme, megjithatë në garën e dytë ne arritëm një nivel të jashtëzakonshëm. U rendit e treta në renditjen e përgjithshme, kjo bëri që ne të renditemi në vendin e 11-të. Për Shqipërinë tonë, është një arritje e jashtëzakonshme për një vend kaq të vogël”.

Presidenti i federatës, Toçi, foli edhe për pritshmëritë që kanë për vitin e ardhshëm, ku tha se pretendon që Lara Colturi ta përfaqësojë edhe më mirë Shqipërinë.

“Sot u mbyll sezoni, vitin tjetër Lara hyn në kupën e botës më mature. Pretendojmë që Lara të jetë në top “ten”, ndryshe nga objektivi që kishim këtë vit për të arritur në 30 më të mirët e botës në ski”, tha presidenti i Federatës së skive.