Lajme
Skandali i Kishës, Papa ndihet i turpëruar
Nga dështimi për ta luftuar abuzimin e fëmijëve
Papa Françesku ka thënë se ndihet i turpëruar nga dështimi i Kishës Katolike për t’u marrë me priftërinjtë pedofilë në Francë. Njëri nga këshilltarët e tij më të ngushtë bëri thirrje për hetim edhe në Itali rreth abuzimit seksual të fëmijëve nga kleri.
Sipas një raporti të publikuar të martën, së paku 330.000 fëmijë janë abuzuar seksualisht nga kleri dhe nga anëtarë të institucioneve kishtare në Francë në shtatë dekadat e kaluara, shkruan The Guardian.
Papa pranoi se kisha ka dështuar që t’i vendosë në rend të parë nevojat e viktimave në atë që konsiderohet si një prej deklaratave më të ashpra kundër abuzimit seksual të fëmijëve në Kishën Katolike deri më tani.
“Fatkeqësisht, është një numër i konsiderueshëm. Do të doja që viktimave t’ua shpreh pikëllimin dhe dhimbjen time për traumën që e kanë pësuar. Është gjithashtu turpi im, turpi ynë, për paaftësinë e kishës për një kohë të gjatë që t’i vendosë ata (viktimat) në qendrën e shqetësimeve të saj”, tha Papa Françesku.
Ai u bëri thirrje të gjithë udhëheqësve kishtarë që të marrin masa në mënyrë që “drama të ngjashme të mos përsëriten”, ndërsa katolikëve të Francës u kërkoi që të punojnë për t’u siguruar që kisha të jetë vend i sigurt për të gjithë.
Pas publikimit të raportit tronditës në Francë, Hans Zollner, prift gjerman dhe këshilltar i afërt i Papa Françeskut, u bëri thirrje udhëheqësve kishtarë në Itali që ta gjejnë guximin dhe t’i hetojnë abuzimet e fëmijëve nga kleri.
E-Diaspora
-
Kanë mbetur vetëm edhe dy ditë për t’u regjistruar diaspora Kemi hyrë në 2 ditët e fundit të regjistrimit të diasporës në kuadër të regjistrimit të...
-
Merakli t’kerreve: U ndihmojmë mërgimtarëve veçmas në kufij
-
Projekti filmik “Adelina”, fitues i trefishtë në Spanjë
-
Platforma“Made in Kosova” promovon potencialin ekonomik, kulturor e turistik
-
Prime Travel, partneri juaj i udhëtimeve
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë