Lajme
Shtrenjtimi i jetesës, inflacioni arrin në 6.2%
Rritja e çmimeve në vend ka shënuar një tjetër rekord gjatë muajit prill. Sipas të dhënave të INSTAT, shtrenjtimi më i madh krahasuar me muajin prill 2021 vërehet në grupin “Transporti” me 22,5 % dhe kjo lidhet direkt me karburantet.
Nafta, por edhe benzina janë shitur gjatë kësaj periudhe me rreth 240 lekë. Ky nëngrup është pasuar nga Ushqime dhe pije joalkoolike, e cila ka pësuar një rritje me 9,9 % nëse e krahasojmë me të njëjtën periudhë të një viti më parë.
Brenda grupit të ushqimeve ndikim kryesor ka dhënë shtrenjtimi i vajit, i cili është shitur rreth 400 lekë për litër, një nivel ky i paregjistruar në vend më parë. Në grupin e ushqimeve disa herë më shtrenjtë qytetarët kanë blerë edhe “qumësht, djathë dhe vezë” që janë rritur me 17,1 % si dhe “bukë e drithëra” me 16,7 %.
Pavarësisht ngritjes së dy bordeve të transparencës gjatë muajit prill, këto struktura duket se nuk kanë dhënë asnjë efekt pasi inflacioni rezulton më i lartë se muaji mars.
Si pasojë e shtrenjtimit të çmimeve, inflacioni ka kërcyer në 6.2% ose dyfish mbi objektivin e vendosur nga Banka e Shqipërisë prej 3%.Rritja e inflacionit pritet të detyrojë Bankën Qendrore që të rishikojë përsëri në rritje normën bazë të interesit gjatë muajit të ardhshëm.
Aktualisht norma e interesit u rrit nga 0.5% në 1%. Gjatë së njëjtës periudhë të një viti më parë, inflacioni fiksohej në 1.9% dhe ky nivel rezulton më i larti që prej vitit 2002. /abcnews.al
Të tjera nga Lajme
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Austri
-
LDK-ja në Vjenë organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri