Shtetasi i Serbisë hyn në provim për kosovarin, akuzohen të dytë për falsifikim

Dëftesa nga provimi u hyn në punë të huajve për të vazhduar qëndrimin në Itali

_{Një shtetas i Serbisë në Bozen, Tiroli Jugor, Itali deshi të hynte në një provim të gjuhës italiane për një kosovar por ai u zbulua  dhe tash rasti i tij është duke u hetuar për të parë se edhe në sa provime ka hyrë ai për të huajt tjerë, shkruan stol.it. Dëftesa nga provimi u hyn në punë të huajve për të vazhduar qëndrimin në Itali.}

_{Ai u kishte rënë në sy udhëheqësve të institutit që organizonte provimin se ai pasi e kishte kaluar një herë,  tashti po hynte për herë të dytë në provim. Kështu ata e kishin alarmuar policinë. I marrë në pyetje ai sigurisht e kundërshtoi, transmeton albinfo.ch.Mirëpo ndërkohë u konstatua se edhe letërnjoftimi i tij ishte i dyshimtë, fotografia e pasaportës dukej e ngjitur keq. Policët e vërtetuan ndërkohë se letërnjoftimi ishte i falsifikuar dhe se personi, një shtetas i Serbisë, 20 vjeçar ishte një person i dënuar më parë për rrahje, lëndim trupor dhe vjedhje.}

_{Ndërsa kur u mor në pyetje kosovari 26 vjeçar për të cilin serbi kishte hyrë në provim, u konstatua se ai nuk e njihte italishten aspak dhe me të duhej komunikuar përmes përkthyesit. Në fillim ai nuk donte të pranonte asgjë por pastaj pranoi veprën.}

_{Në fund mndaj të dyve u ngrit kallëzimi penal për falsifikim dokumentesh dhe për marrjen e identitetit të rremë.}