Bota
Shtëpia e Bardhë nuk merr pjesë në procesin e shkarkimit të Trumpit
Shtëpia e Bardhë tha se nuk do të marrë pjesë në seancat e ardhshme dëgjimore për procesin e shkarkimit të presidentit, që mbahen nga Komiteti Gjyqësor i Dhomës së Përfaqësuesve.
Në një letër drejtuar kryetarit të Komitetit, Jorrold Nadler, këshilltari i Shtëpisë së Bardhë, Pat Cipollone, ka thënë se hetimet për procesin e shkarkimit të presidentit, të udhëhequra nga demokratët, janë “të pabaza”.
Një seancë për procesin e shkarkimit të presidentit Donald Trump është caktuar të mbahet javën e ardhshme, për të shqyrtuar se çfarë akuzash do të mund të ngriten ndaj presidentit, përcjell albinfo.ch.
Në letrën e Shtëpisë së Bardhë nuk është dhënë ndonjë arsye specifike për mospjesëmarrjen në këtë seancë.
Por, Cipollone në këtë letër ka akuzuar ligjvënësit demokratë se po humbin kohën e amerikanëve me këtë procedurë, duke e cilësuar si “abuzim me pushtetin”.
“Çfarëdo rruge që zgjidhni, siç ka thënë presidenti së fundmi: ‘Nëse doni të nisni procedurat e shkarkimit, bëjeni tani, shpejt, në mënyrë që të ketë një gjyq fer në Senat’”, ka shkruar Ciopollone në letrën e tij.
Dhoma e Përfaqësuesve, që udhëhiqet nga demokratët, ka hetuar për dy muaj nëse presidenti Trump ka kryer krime, që do të mundësonin shkarkimin e tij.
Në qendër të hetimeve është biseda telefonike e 25 korrikut ndërmjet Trumpit dhe homologut të tij ukrainas, Volodymyr Zelenskiy, ku gjatë bisedës Kievi është nxitur të nisë hetime ndaj rivalëve politikë të Trumpit.
Shtëpia e Bardhë kishte ndaluar ndihmën ushtarake për Ukrainën në vlerë prej 391 milionë dollarësh para kësaj telefonate, por kjo ndihmë iu dha Kievit në muajin shtator.
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Muhamed Mustafi, ylli shqiptar në St. Gallen
-
Shqipëria, pjesë e paradës së karnavaleve në Berlin
-
Gazmend Zajmi, një ndër kolosët e pavarësisë
-
“Më të kërkuarat janë fanellat e Zvicrës dhe ato të Shqipërisë”
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?