Bota
Flasin banorët që i blenë shtëpitë nga 1 euro në Itali
Çfarë ndodhi me ata që blenë vërtet? A i priti jeta e bukur që mendonin?
Dukej shumë e bukur për të qenë e vërtetë: Në Itali mund të nisje një jetë të re me 1 euro.
Gjatë vitit të kaluar, qytete të shumta të vogla nga Sicilia në jug deri në Alpet Veriore kanë bërë oferta të çmendura si ato të shitjes së një shtëpie për 1 euro, me shpresën të tërhiqnin banorë të rinj e të rigjallëronin komunitetet që po shuhen.
Titujt e mëdhenj të mediave të rëndësishme, si CNN, kanë mahnitur miliona njerëz, të cilët u joshën nga ideja e braktisjes së metropoleve të zhurmshme për një jetë më të qetë. Kërkesat vërshuan nga të gjitha anët. Por çfarë ndodhi me ata që blenë vërtet? A i priti jeta e bukur që mendonin? CNN Travel foli me disa prej atyre që vendasit i quajnë “qytetarë 1 euro”, transmeton TCH.
Francezja Morgane Guihot me të shoqin ishin nga të parët që blenë shtëpi dhe nuk ngurruan të nisin riparimet, sepse banesa kishte nevojë. Ata kanë ndërmend ta përdorin si shtëpi pushimesh, përcjell albinfo.ch.
“Vendi është fantastik, dhe njerëzit mjaft të dashur”, thotë çifti, ndërsa shton se nuk ka pasur surpriza të pakëndshme.
Ndërkohë, belgu Patrick Janssen rrëfen se praktikisht iu treguan nja 25 shtëpi të vjetra që kishin nevojë për riparime të mëdha.
“Nëse ke mundësi të investosh, ato mund të bëhen mjaft të përshtatshme për të jetuar edhe përgjithmonë, e jo vetëm për të kaluar pushimet”, shpjegoi ai.
Ndërkohë, nisur nga kërkesa e jashtëzakonshme në Sambuca, kryebashkiaku që nuk mund t`u përgjigjej pozitivisht të gjithëve, i nxori në ankand shtëpitë e mbetura e ua dha personave që ofruan më shumë, duke bërë që disa prej tyre të shiteshin deri në €25,000.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte