Shqiptarët me programin e tyre në gjuhën shqipe në Itali

Parlamenti italian mendon se ky komunitet i madh ka të drejtën e transmetimeve televizive në gjuhën shqipe, dhe ky program do të shfaqej në televizionin kombëtar “RAI”

Një numër i madh i shqiptarëve jetojnë në Itali. Sipas statistikave në Itali jetojnë 467.687 shqiptarë, që është atdheu i dytë për. Por, edhe 80 mijë të tjerë kanë marrë nënshtetësinë italiane, shkruan gazeta e njohur italiane “La Republica”.

Madje, numri i tyre është më i madh duke llogaritur edhe 100 mijë shqiptarë që kanë jetuar me shekuj në Kalabri e Sicili, përcjell albinfo.ch.

Parlamenti italian mendon se ky komunitet i madh ka të drejtën e transmetimeve televizive në gjuhën shqipe, dhe ky program do të shfaqej në televizionin kombëtar “RAI”.

Nëse kjo do të miratohet atëherë do të vlente për dhjetë vitet e ardhshme. Gjithsesi ky është vetëm një propozim për Qeverinë italiane dhe nuk është e garantuar nëse do të kalojë apo jo.

Parlamentarët janë shprehur se gjuha dhe kultura shqipe duhet të mbrohet sikur ajo gjermane, greke, sllovene, franceze e të tjerat.