Shqiponja i kushton Xhakës me shiritin e kapitenit?

Zviceranët kanë votuar portierin Yann Sommer, si mbajtës të shiritit të kapitenit

Pavarësisht se kanë kaluar disa muaj që nga përfundimi i Kampionatit Botëror, në Zvicër, po vazhdon debati i shqiponjës së bërë nga Granit Xhaka dhe Xherdan Shaqiri.

Tashmë që Stephan Lichtsteiner nuk është kapiten, zviceranët po mendojnë se kush duhet të mbajë shiritin e kapitenit.

Zvicra do të ndeshet me Islandën më 8 shtator në St. Gallen, derisa ende nuk dihet se kush do të mbajë shiritin.

Granit Xhaka dhe Yann Sommer janë favoritët për shiritin e kapitenit. Në një sondazh nga ‘Blick’, portieri Sommer ka marrë dukshëm shumicën e preferencave për të qenë kapiteni i ri i Zvicrës, përcjell albinfo.ch.

I dyti në hierarkinë e pëlqimeve është Granit Xhaka, por me diferencë të madhe.

Sommer ka 69.9 % të votave, derisa Granit Xhaka 12.5 %, derisa Xherdan Shaqiri ka marrë vetëm 2.5 %.

---