Shqipëria nënshkruan marrëveshje energjetike me Italinë dhe Emiratet

Foto: Edi Rama, FB

Shqipëria, Italia dhe Emiratet e Bashkuara Arabe kanë nënshkruar një marrëveshje rreth 1 miliard euro, në kuadër të Javës së Qëndrueshmërisë në Abu Dhabi.

Kryeministrja italiane Giorgia Meloni njoftoi nënshkrimin e një marrëveshjeje strategjike për ndërlidhjen energjetike mes Shqipërisë dhe Italisë. Marrëveshja, synon krijimin e një infrastrukture që do të mundësojë transportimin e energjisë së rinovueshme nga Shqipëria drejt Italisë përmes një kablloje nënujore në detin Adriatik, raporton agjencia Reuters.

“Ne besojmë fuqishëm në këtë projekt që përfshinë tri qeveritë e tona, si dhe sektorët tanë privatë dhe shpërndarësit e elektricitetit”, ka deklaruar Meloni gjatë samitit në Abu Dabi.

Është një marrëveshje trepalëshe, e cila synon prodhimin e energjisë së rinovueshme në Shqipëri dhe eksportimin e saj në Itali përmes kabllos nënujore. Kjo marrëveshje do të përfshijë shpërndarësin shpërndarësit e energjisë në Itali, Shqipëri si dhe shpërndarësin nga Emiratet e Bashkuara Arabe, ka thënë kryeministri i Shqipërisë, Edi Rama gjatë samitit.

Po ashtu ai shtoi se ky lloj infrastrukture do të lidhë portin e Vlorës me rajonin jugor të Italisë, Puglia, pjesa më e afërt në mes vendeve, dhe pritet që projekti të zgjasë më së shumti tri vjet./Reuters