Shqipëria
Shqipëria, sipas modelit të Zvicrës, heq tarifat për makinat elektrike
Çdo tarifë të regjistrimit për mjetet elektrike & plug-in, Shqipëria për herë të parë do të rimbursojë nga Drejtoria Përgjithshme e Shërbimit të Transportit Rrugor. Duket se Shqipëria po ndjek një model të mirë nga Zvicra për shtimin e veturave elektrike dhe lehtësimin e procedurave në posedimin e tyre.
Blendi Gonxhja, drejtori i Përgjithshëm i Shërbimit të Transportit Rrugor, ka bërë të ditur se tarifat e regjistrimit do të bëhen zero, po ashtu lehtësime do të ketë edhe në kontrollin fizik që do të kushtojë vetëm 1,500 lekë, ndërsa leje e qarkullimit kombëtare bëhet 1 mijë lekë, target standard do të jenë 3 mijë lekë dhe certifikata e pronësisë do të kushtojë 2 mijë lekë.
“Në total 7,500 lekë të reja për çdo mjet GREEN do të mbulohen nga DPSHTRR”, u shpreh Gonxhja.
E gjitha kjo po bëhet me Vendimin e Këshillit të Ministrave “Për planin kombëtar për menaxhimin e cilësisë së Ajrit” që adreson cilësinë e ajrit si një ndër çështjet mjedisore më kritike, që ka të bëjë me administratorët lokalë dhe autoritetet qendrore, si dhe prek jetën e përditshme të çdo qytetari.
E nga ky vendim duket se DPSHTRR po bën një ent promotor dhe protagonist edhe për risi konkrete për mbrojtjen e mjedisit dhe cilësisë së ajrit, uljen e ndotjes mes nxitjes së regjistrimit të mjeteve GREEN nga qytetarët si edhe ndërgjegjësimit për gjeneratat e së tashmes dhe së ardhmes.
“Ky lajm i mirë e i gjelbër është vetëm një nga shumë nismat GREEN që DPSHTRR po përgatit për miratim në Këshillin tonë drejtues dhe MIE, krahas propozimeve në kuadër të ndryshimeve në ligjin për taksat për mjetet rrugore, për miratim në MFE”, tha Gonxhja, përcjell albinfo.ch.
Të ngjashme
Të tjera nga Shqipëria
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë