Shqipëri: PD thërret sërish protestë kombëtare

Pas mbledhjes së Këshillit të Kryetarëve, Partia Demokratike e Shqipërisë ka vendosur të thërrasë sërish një protestë të madhe kundër qeverisë Rama më 13 prill, ndërsa si kohë është përcaktuar pasditja, nga ora 18:00.

Opozitarët do të vijojnë rezistencën paralelisht edhe me protesta të tjera në ditët kur Kuvendi do të mbajë seancë plenare.

Krerët e opozitës u mblodhën mbrëmë në një takim qe e ftoi kreu i PD-së, Lulzim Basha, ku edhe u vendos që në muajin prill qytetarët shqiptarë dhe mbështetësit e opozitës të ftohen sërish në shesh për të kërkuar  zgjedhje të parakohshme dhe krijimin e një qeverie transitore, pa Edi Ramën kryeministër.