Shqipëria
Shqipëri: Dy të vdekur dhe tetë të plagosur nga shpërthimi në Lushnjë
Rreth orës 15:30 minuta të së premtes në Lushnjë, Shqipëri, ka ndodhur një shpërthim që la të vdekur dy persona dhe tetë të tjerë të lënduar.
Viktimat janë babë e bir, ndërkohë që në mesin e të lënduarve është edhe deputeti i Partisë Socialiste, Bujar Çela.
Ministri i Brendshëm, Taulant Balla, sqaroi se çfarë ka ndodhur. Dyshimet paraprake janë se shpërthimi është shkaktuar si pasojë e kontaktit të një vinçi me linjën e tensionit të lartë.
Ministri Balla tha se si pasojë e këtij kontakti dhe të shkarkimit të rrymës me tensionin e lartë, ka shpërthyer një mjet eskavator që po bënte punimet në zonë. Për shkak të djegieve të rënda ka humbur jetën Roland Hoxha. Ai ishte brenda vinçit që po bënte punimet.
Ministri tha se Policia e Shtetit prej momentit të parë po zhvillon të gjitha hetimet për të identifikuar shkaqet dhe përgjegjësitë në këtë rast. Kur u pyet nëse në vendngjarje ka pasur depozitë me oksigjen që është përpjekur të ngrihet nga ana e vinçit, ministri tha se hetimet do ta vërtetojnë këtë.
“Gjithçka që unë thashë janë informacion paraprak, sepse le të themi vlerësimin përfundimtar do ta japë një hetim i plotë. Do ju lutesha që edhe informacioni që ndava me ju është paraprak i vënë në dispozicion nga Policia e Shtetit dhe nga ato pak deklarime që janë marrë deri në momentin që komunikojmë së bashku. Le të presim hetimin e plotë”, tha Balla./Klantv
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?