Shqipëri: 192 mijë qytetarë i kanë bërë të dy dozat e vaksinës

(KEYSTONE/EPA/ANGELO CARCONI)

Është bërë e ditur nga ministrja e Shëndetësisë dhe Mbrojtjes Sociale, Ogerta Manastirliu, se deri tani janë 192 mijë qytetarë, të cilët i kanë marrë të dyja dozat e vaksinës anti-Covid.

Në një postim në Facebook, ministrja e Shëndetësisë, Manastirliu, thotë se në gjithë vendin janë kryer 638,338 vaksinimeve.

“Me punën fantastike që po bëjnë vaksinatorët tonë në gjithë vendin, ia kemi dalë të kryejmë 638,338 vaksinimeve, prej të cilave 192 mijë qytetarë i kanë bërë të dy dozat e vaksinës dhe janë sot shumë më të mbrojtur nga Covid 19”, shkruan Manastirliu.