Muzikë
Shoqëria kulturore-artistike “Teuta”, Lozanë
Për nder të Festës së Pavarësisë së Kosovës, ky ansambël, do të organizojë program festiv më datë 18.02.2023
Shoqëria kulturore-artistike “Teuta” në Lozanë është një promovuese e shkëlqyer e kulturës dhe vlerave shqiptare në Zvicër. Ka ardhur në skenë për herë të parë më 21 prill 2005. Ky ansambël përmes valleve e këngëve shqipe ka ruajtur traditën e mirëfilltë shqiptare dhe gjuhën amtare.
Kjo shoqëri, përveç stafit drejtues, ka rreth 40 anëtarë të tri gjeneratave, atyre nga mosha 7-12 vjeç, nga 13-25 vjeç dhe nga 26 e deri në moshën e pacaktuar, duke përfshirë edhe disa nga prindërit e valltarëve.
“Teuta” për vite me radhë ka luajtur rol të rëndësishëm për mbajtjen e kulturës shqiptare në Zvicër, prandaj Mehdi Smajli tregon se ndihet shumë krenar për aktivitetet e këtij ansambli që kanë shërbyer në ruajtjen e artit dhe kulturës së mirëfilltë shqiptare.
“Prezenca jonë në shumë shfaqje multikulturore jo vetëm në Zvicër, por edhe jashtë saj, si në Francë, Shqipëri e Kosovë, ka qenë shumë dinjitoze, duke marrë edhe shumë mirënjohje për performancat e prezantimit të artit dhe kulturës shqiptare me veshjet kombëtare. Dhe jo vetëm kaq, shoqëria “Teuta” në shumë festa multikulturore prezentohet edhe me ushqime tradicionale të trojeve shqiptare”, tregon Mehdi Smajli.
Ansambli “Teuta” përveç manifestimeve kushtuar 28 Nëntorit dhe 17 Shkurtit, që i organizon çdo vit, ka organizuar edhe 3 koncerte të përbashkëta me një shoqëri artistike zvicerane nga Friburgu, e quajtur “La Farandol de Curtepe Friburg”.
Në këto koncerte, anëtarët e grupit “Teuta” dhe zviceranët me koreografi, kanë luajtur nga tri valle të përbashkëta, si ajo e Rugovës, Bareshës dhe Shotës.
“Është për t’u vlerësuar lart dashuria e të rinjve shqiptarë që pavarësisht se janë lindur dhe po rriten në Zvicër, kanë super interesim për kuturën shqiptare. Ne jemi pjesëmarrës të rregullt në shumë komuna, ku mbahen festa multikulturore. Dua të cek se në shoqërinë “Teuta” ka edhe persona të nacionaliteteve të tjera që janë aktivë dhe vallëzojnë para audiencës, që për nga numri janë të shumtë”, tregon Smajli.
SHKA “Teuta” me eventet e organizuara deri më tani ka bërë shumë prezantime edhe para publikut zviceran që është treguar shumë i interesuar ta njohë artin shqiptar.
Për nder të Festës së Pavarësisë së Kosovës, ky ansambël, do të organizojë program festiv më datë 18.02.2023, ku hyrja do të jetë falas.
Të ngjashme
Të tjera nga Muzikë
E-Diaspora
-
Edi Rama pas takimit me emigrantët: Emocion i paharrueshëm, nuk do harroj fytyrat e shqetësuara të autoriteteve italiane Kryeministri i Shqipërisë, Edi Rama “është deklaruar” përmes rrjeteve sociale, pas vizitës me emigrantët në Milano...
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
Jeta në Austri
-
Zakonet austriake të të ngrënit, nga të cilat bota mund të mësojë Kuzhina austriake mund të mos jetë gjëja e parë që u vjen në mendje atyre që...
-
Si të martoheni në Austri si i huaj?
-
Çfarë duhet të dini për kontratat kolektive nëse punoni në Austri?
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri