Literaturë
SHKSHZ zgjedh kryesinë e re dhe shpall fituesit e konkursit për poezi
Çmimi i parë “Martin Camaj” i ka takuar autorit Ramë Oraca për poezinë e tij “Për Ty”. Kryetar i SHKSHZ u rizgjodh Bujar Salihu
Të dielën, më 21 mars, Shoqata e Krijuesve Shqiptarë të Zvicrës, me një orë letrare dhe me shpalljen e rezultateve të konkursit letrar, ka shënuar Ditën Botërore të Poezisë.
Aktiviteti është zhvilluar në ambientet e Konsullatës së Republikës së Kosovës në Cyrih.
Fillimisht është bërë shpallja e rezultateve të konkursit letrar, respektivisht të çmimit “Martin Camaj”. Paraprakisht, kryesia ia kishte besuar përgjegjësinë e vlerësimit të poezive shkrimtarit të njohur, Shaip Beqiri. Duhet theksuar me këtë rast se punimet konkurruese ai ka marrë nga kryesia, pa ditur autorësinë e tyre.
Kishin konkurruar 98 poezi, prej tyre janë shpërblyer 3, ndërsa 9 të tjera janë marrë për botim.
Më poshtë, poezitë fituese:
Çmimi i parë “Martin Camaj” i ka takuar autorit Ramë Oraca për poezinë e tij “Për Ty”. Çmimin e dytë “Martin Camaj” e ka fituar Arbër Metuku me poezinë me titullin “Lundërtar”, ndërsa çmimi i tretë “Martin Camaj” i është dhënë poetes Emrije Krosi për poezinë e saj “Vetja ime dhe unë…”.
Për botim janë marrë poezitë e Afrim Demirit (Nëpër unazat e përgjakura), Shkurtë Kadriu – Çitaku (Reminishencë), Lulzime Malaj (Pas “Madame Butterfly”), Ajne Iberhysaj (TRISHTIMI I GJETHES), Aferdita Salihu (LUMTURI MAKBETHIANE), Trëndafile Lula (Unë, Kalypso), Sadik Krasniqi (PELEGRINI), Fatmire Sopa (Përsiatje), Vaxhid Xhelili (MEDITIM I PERHERSHEM)
Pas kumtimit të çmimeve u kalua në orën letrare me karakter garues, ku poezitë e tyre i kanë lexuar një numër i konsiderueshëm i autorëve të pranishëm, si: Fatmire Sopa, Miradije Maliqi, Shaip Beqiri, Arbër Ahmetaj, Xun Çetta, Brahim Avdyli, Shaqir Ahmeti, Gani Bytyqi, Hyrije Jusufi, Shefik Arifi dhe Bujar Salihu.
Juria në përbërje: Bit Gecaj, Adem Dërmaku dhe Bujar Salihu çmimin “Pena e Martinit” ia ndau poezisë së Arbër Ahmetajt, “Fryni erë e Bunës”.
Në pjesën e dytë u zhvilluan punimet e Kuvendit të ShKShZ-së. Një raport për punën e Shoqatës e ka paraqitur Bujar Salihu, ndërsa raportin financiar sekretari Florim Useini.
Më pas me votim të fshehtë është zgjedhur kryesia e re e shoqatës. Bujar Salihu u rizgjodh kryetar i ShKShZ, Mirela Duka nënkryetare, kurse Edlira Dedja, Fatmire Sopi dhe Adem Dërmaku, anëtarë të kryesisë.
Të ngjashme
Të tjera nga Literaturë
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë