Shkolla shqipe e Tetovës, në alarm për bomba

EPA/VALDRIN XHEMAJ

Një tjetër alarm për bombë është dhënë në një shkollë të Tetovës gjatë ditës së sotme. Alarmi është dhënë në shkollën “Liria”, nga ku nxënësit janë evakuuar me shpejtësi pas informacioneve të marra nga autoritetet përkatëse.

Më herët, alarme të tilla për bombë ka pasur edhe në shkollat e mesme dhe fillore në Shkup, Gjevgjeli dhe Kavadar. Nga Ministria e Punëve të Brendshme të Maqedonisë së Veriut është bërë me dije se kërcënimet me bombë janë duke u hetuar, transmeton a2, përcjell albinfo.ch.

Por, deri më tani, pavarësisht alarmeve të shpeshta të raportuara, ende nuk janë gjetur autorët përgjegjës, pasi kërcënimet vijnë nga jashtë vendit.