Integrimi
Shkëlqim shqiptar në ballon federale gjermane
Gazetarja e njohur shqiptare që jeton në Berlin, Vjollca Hajdari, e cila në këtë mbrëmje kishte marrë pjesë bashkë me motrën e saj, Teutën, ishte mysafirja qe kishte sjellë shkëlqimin shqiptar në ballon gjermane
Drita vezulluese, qilim i kuq, vetura luksoze, ushqim nga kulinaria e lartë dhe pije të zgjedhura ekskluzivisht për elitën e shoqërisë gjermane. Në këtë mes, edhe shqiptarja Vjollca Hajdari.
Si çdo vit, edhe kësaj radhe, balloja gjermane federale e medieve dhe shtypit ka mbledhur në Berlin personat më të njohur publik nga politika, ekonomia, gazetaria, kultura dhe arti gjerman si dhe ai ndërkombëtar. Në këtë gala prestigjioze, e cila është mbajtur në hotelin luksoz Adlon Kempinski pranë Portës së Brandenburgut në Berlin, ishte e ftuar edhe gazetarja Vjollca Hajdari, që jeton dhe vepron në Berlin.
Presidenti Steinmeier me zonjën e tij, duke hapur ballon
Vjollca, e cila në këtë mbrëmje kishte marrë pjesë bashkë me motrën e saj, Teutën, ishte mysafirja qe kishte sjellë shkëlqimin shqiptar në ballon gjermane. Ajo kësaj radhe ka zgjedhur një fustan të gjelbër, të kombinuar me ngjyrë argjendi. “E gjelbra është simbol i shpresës, andaj meqë jemi në prag të festës së flamurit, shpresoj për një të ardhme më të ndritur të shqptarëve” ka thënë Vjollca Hajdari për albinfo.ch.
Si çdo vit, ballon, në të cilën marrin pjesë mbi 2500 mysafirë, e ka hapur presidenti i vendit. Kësaj radhe ky nder për herë të parë i ka takuar presidentit aktual gjerman, Frank Walter Steinmeier i cili këtë e ka bërë me zonjën e tij, duke filluar me vallëzimin tradicional, walzer.
Natyrisht se në këtë mbrëmje të përcjellë nga muzika live, ishin përzgjedhur edhe kuzhinierët më të dalluar për të përgatitur darkën solemne, ku nuk kishin munguar as stridhat e fresketa të detit dhe champagner, vera si dhe birra gjermane, shpjegon më tutje për albinfo.ch, Vjollca Hajdari, e pranishme në këtë mbrëmje të veçantë.
Balloja federale gjermane mbahet për të tretën herë në hotelin Adlon, përderisa 15 vjet me radhë elita politike është takuar në Hotelin Intercontinental. Këtë vit gala gjermane e shtypit dhe mediave, ka festuar 66 vjetorin e themelimit.
Të tjera nga Integrimi
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë