SHKA “Dardania” prezanton shqiptarët në Ditën e popujve në Winterthur

Më 06 maj 2023, në Winterthur të Zvicrës, mbahet tash e sa vjet Dita e popujve, edhe atë në Altekaserne, Technikumstrasse 8, 8400 Winterthur, andaj krahas shumë nacionaliteteve, edhe shqiptarët marrin pjesë në këtë festë, e cila organizohet në kuadër të qytetit të Winterthurit, e që si gjithnjë, edhe kësaj here do të ketë progrme të ndryshme që nga pasdita, e deri në orët e vona, duke pasur lojëra, ushqime, vallëzime, vizatime, tregime të grupeve të ndryshme dhe gjuhë të ndryshme të popujve që jetojnë dhe veprojnë në Winterthur me rrethinë.

Andaj në pjesën kulturore që në fakt fillon nga ora 19:00, me njëhere pas fjalimin të kryetarit të komunës dhe organizatorëve, do të fillohet pikërisht me Shoqërinë Kulturore dhe Artistike Dardania, e cila vepron tash e 29 vjet të veprimtarisë së saj, kurse kësaj here do të paraqitet me grup vallëzimesh të kombinuara nga trevat tona.